Welcome visitor can you Log In or Create an Account

Call us now: +5999 6637989

Dennis Rafael Outor/eskritor

Mi a lanta ta tende kuenta for di mucha chikí. Siendo un hóben i na skol mi tabata sa entretené otronan ku mi kuentanan. Despues di mi di 26 aña mi a kuminsá duna lèsnan di bida na un i tur. Esakinan a hiba mi na ilustrá mi instrukshonnan ku kuenta i relatonan. No a dura masha ku mi tabatin splikashon pa hopi kos den bida.

Dia mi  haña e òrdu  pa kuminsá skibi mi mes buki, mi a kuminsá ku e buki “Huisio di Sanger”, ku ta trata bida di un damsita di 12 aña ku a ser violá i mester a biba ku su mal eksperensia.

Mi a sigui ku “Kompa Nanzi ta Bibu”. Esaki ta un kolekshon di kuenta i fábula pa mucha i hende grandi.

Den Man di e Stürman” a bira e siguiente buki. E ta bai riba bida di un mucha hòmber ku a biba un bida parotin. Hòrta, droga i muhé bunita tabata su pashon. El a Bandoná su famia pa bolbe kas despues di komo 30 aña komo un pididó di limosna, un bagamundu.

Ta hasi un luna ku mi a publiká “Riba e Olanan Skur”, den kual bida di un famia ta sali di bon, i e olanan skur di bida a kasi kaba ku nan tur kompletu. Un saga pa tur hende lesa. Sin e intervenshon di Dios bibu, lo tabatin mas morto den e famia akí.

Tur e bukinan akí ta skibí pa abo i ta ofresé e lesadó un trep den su mes bida, riba su konsenshi i riba desishonnan ku nos ta tuma den bida.

E bukinan akí ta bal la pena abo mes lesa i pa bo por bendishoná otro hende kuné.

 

Dennis

No votes yet
Location: