Esaki ta e simple reseta di ayaka riba plancha ku señora Haitette doño di Xtra Tasty Cuisine ta papia asina hopi di dje. Un plato único i dushi ku ta buta awa kore Sali for di bo boka manera e sali for di fornu. Xtra Tasty Cuisine ta un catering ku a lansa dia 1 di december 2016 ultimo. E kompania nobo aki ta representa platonan delisioso i saludabel produsi ku produktonan lokal. Djis bisa Haitette kiko bo ta desea i ku animo i pashon esaki lo wordu produsi i entrega.

Boso ta korda tempunan aya, na mucha bo ta hasi kaweta den kushina pa wak kiko wela ta kushina?  Wel nami konta boso ku ta asina aki Haitette a kuminsa. Ku su 12 aña ela traha su prome plato kual tabata galiña den fornu i desde e momento ei e ta kushina. Su pashon ta kushina i su reto ta hasi tur plato ku un twist  di korsou.

Xtra Tasty Cuisine

Xtra Tasty Cuisine a nase después ku Haitette a tuma e kurashi di komberti su pashon den algu produktivo ku e i su famia por biba di dje. Manera tur persona riba mundu e tambe a pasa un kaminda di krus te ora e la realisa ku finalmente e lo logra mas hasiendo algu ku e gusta. Sabiendo kaba kiko e gusta for di un edat basta jong e la drenta horeca school pa hanja mas konosementu di trabou komo waiter, koki i panadero. Finalmente e la hasi leraar opleiding den horeca na Hulanda pero esaki no tabata suficiente i e no a stop einan. Su ambishon di sigui krese, di ta inovativo i diferente for di tur otro hende i konsepto ta motibunan ku e dama aki a disidi di habri Xtra Tasty Cuisine i ta hasiele diferente.

Dianan di fiesta

Xtra Tasty Cuisine ta spesialisa den tur tipo di plato vegetariano, aros, karni, bestia di laman, kos dushi; di salada te kuminda i di pasapalu  te postre. Mirando ku luna di desember ta mas druk ku aktividat kulinario, Haitette a disidi di lansa su kompania dia 1 di december 2016. Pa e luna di fiesta Xtra Tasty Cuisine ta ofrece un menú spesial. Algún kos ku boso por haña riba e menú aki ta ayaka di plancha, ham di pasku, pan de jamon, i mas. Pa mas informashon tokante e menú subi e pagina di Facebook:  Xtra Tasty.